हेटौंडा टुडे संवादाता 
फाल्गुन २३ हेटौंडा /नेकपा निकट मजदुर संगठनका पूर्व केन्द्रीय सदस्य बद्रीप्रसाद आचार्यसहित ४ जना नेपाली कांग्रेसमा प्रवेश गरेका छन् । नेपाली कांग्रेसको पार्टी कार्यालयमा शुक्रबार भएको भेटघाट कार्यक्रममा आचार्यसहित नेकपाका किरण लामा थिङ, गंगाप्रसाद सापकोटा र चित्रप्रसाद नेपाल कांग्रेसमा प्रवेश गरेका हुन् ।
नेपाली कांग्रेस मकवानपुरका सभापति एवं बागमती प्रदेश संसदीय दलका नेता ईन्द्रबहादुर बानियाँले नवप्रवेशीहरुलाई टिका तथा खादालगाएर पार्टीमा स्वागत गर्नुभएको थियो । कार्यक्रममा सचिवद्वय बुद्ध लामा र आनन्द कठायत, कोषाध्यक्ष गोपीलाल विश्वकर्मा, सहसचिव रामबाबु बानियाँ, प्रवक्ता प्रदिप कोईराला, जिल्ला सदस्यहरु कृष्णप्रसाद दाहाल, बलिन्द्र भ्लोन, अर्जुन तिवारी, राजिव सुवेदी, नगर सभापति आनन्दराम पराजुलीलगायत नेपाली कांग्रेसका नेता तथा कार्यकर्ताहरुको उपस्थिति रहेको थियो ।
