हेटौंडा टुडे संवादाता
चैत्र २ हेटौंडा /हेटौंडा उपमहानगरपालिकाले सडक निर्माणको नाममा अबैध रुपमा ढुङ्गा गिट्टी, वालुवा उत्खनन् तथा ओसार पसार गरेकाले डिभिजन वन कार्यालय मकवानपुर हेटौंडाले उपमहानगरपालिकाको टिफर र एक्साभेटर नियन्त्रणमा लिएपछि विवाद भएको छ ।
आफ्नो सवारी वनले नियन्त्रणमा लिएपछि हेटौंडा उपमहानगरपालिकाका मेयर हरी बहादुर महतले डिभिजन वन कार्यालय हेटौंडाका प्रमुख पौडेललाई फोन गरेर थर्काएका छन् मेयर महतले जिल्ला समन्वय समिति मकवानपुरका प्रमुख रघुनाथ खुलाललाई पनि असभ्य भाषा प्रयोग गरेका छन् ।
त्यतिमात्र नभई जिल्ला समन्वय समितिका प्रमुख खुलाललाई ठुलो कुरो गरे उनको पनि १२ बज्छ भन्दै थर्काएका छन् । उनले मन्त्रीदेखि प्रधानमन्त्रीसम्मलाई भन्नुपरे पनि भन्ने बोलेका छन् ।
आई इई नगरेको स्थानमा खोला उत्खनन् भएको भन्दै वन कार्यालयले हेटौंडा उपमहानगरपालिकालाई उत्खानन् नगर्नु भनि आग्रह गर्दापनि अटेर गरेपछि जिल्ला अनुगमन समन्वय उपसमितिका संयोजक पौडेलको नेतृत्वमा गएको टोलीले उपमहानगरपालिकाको सवारी नियन्त्रणमा लिएको हो ।
पौडेलका अनुसार जिल्ला अनुगमन समन्वय समितिकाको आदेश र नियम अनुसार गाडी नियन्त्रणमा लिईएको हो । हेटौंडा १८ नम्बर वडाका वडा अध्यक्ष अनिल बानियाको सिफारिसमा अटेर गरि खहरे उत्खनन् गरेपछि अनुगमन टोलीले नियन्त्रणमा लिएको हो ।
उता जिल्ला समन्वय समितिका प्रमुख रघुनाथ खुलालले पनि उत्खनन् गरिएको ठाउँ आई इई नगरेको स्थान भएकाले र कुनैपनि समन्वय नगरी हेटौंडा उपमहानगरपालिकाले जवरजस्ती ढंगले उत्खनन् गरेपछि नियन्त्रणमा लिईएको बताएका छन् ।स्रोत :bagamatikhabar.com
