स्कुटर र सुमो दुर्घटना अपडेट : हेटौँडा ८ कमानेका लामाको  मृत्यु

हेटौंडा टुडे
१५ भाद्र २०७८, मंगलवार १३:१३

हेटौँडा/गत शनिबार हेटौँडा–भैसे सडकखण्डमा स्कुटर र सुमो ठोक्किएर दुर्घटना हुँदा गम्भीर घाइते भएका हेटौँडा उपमहानगरपालिका वडा नम्वर ८ कमाने बस्ने १७ वर्षीय मौसम लामाको  मृत्यु भएको छ  । लामाको उपचारको क्रममा सोमबार चितवन मेडिकल कलेजमा मृत्यु भएको जिल्ला प्रहरी कार्यालय मकवानपुरका प्रहरी नायव उपरीक्षक जयश्वर रिमालले जानकारी दिए ।

उनका अनुसार, भीमफेदी गाउँपालिका अन्तरगत पर्ने उक्त सडकखण्डमा हेटौंडाबाट काठमाडौंतर्फ जाँदै गरेको ना १ ज ७९३१ नम्वरको सुमो र विपरित दिशातर्फ आउँदै गरेको प्रदेश ३–०३ प १३१९ नम्वरको स्कुटर एकापसमा ठोक्किएर दुर्घटना भएको थियो ।

उक्त दुर्घटनामा परेर स्कुटरमा सवार मौसम र हेटौंडा–८ कमाने नै बस्ने वर्ष १८ को सुशील लामा घाइते भएका थिए । उनीहरुलाई उपचारको लागि चितवन मेडिकल कलेजमा पठाएकोमा मौसमको उपचारको क्रममा मृत्यु भएको प्रहरी नायव उपरीक्षक रिमालले बताए ।

प्रहरी नायव उपरीक्षक रिमालका अनुसार, अर्का घाइते सुशीलको भने सोही अस्पतालमा उपचार भइरहेको छ ।

प्रतिक्रिया दिनुहोस

  • प्रतिक्रियाहरु

preload imagepreload image