हेटौंडा टुडे
हेटौँडा/ मकवानपुर प्रहरीले विभिन्न मुद्धाका दुई जना फरार प्रतिवादीलाई पक्राउ गरेको छ । पक्राउ पर्नेमा साविक डाँडाखर्क गाबिस वडा नं.४ बस्ने चित्रबहादुर थिङ र हेटौंडा उपमहानगरपालिका वडा नं. ९ बस्ने काले भन्ने अभिषेक लामा ध्यावा रहेको जिल्ला प्रहरी कार्यालय मकवानपुरले जनाएको छ जिल्ला अदालत मकवानपुरको फैसला अनुसार थिङले लागुऔषध गाँजा मुद्धामा ९ महिना ४ दिन कैद भुक्तान गर्न बाँकी रहेको थियो । उनलाई प्रहरीले सोमबार हेटौंडा उपमहानगरपालिका वडा नं. १० बाट पक्राउ गरेको प्रहरीले जनाएको छ । त्यस्तै लामालाई जिल्ला अदालत मकवानपुरको फैसलाले विविध मुद्धामा ६ महिना कैद र ५ पाँच हजार जरिवाना तोकेको थियो । उनलाई जिल्ला प्रहरी कार्यालय मकवानपुरबाट खटिएको प्रहरी टोलीले मंगलबार हेटौंडा उपमहानगरपालिका वडा नं.९ बाट पक्राउ गरेको प्रहरीले जनाएको छ ।
दुबैलाई कैद तथा जरिवाना भुक्तानको लागी जिल्ला अदालत मकवानपुरमा उपस्थित गराईएको जिल्ला प्रहरी कार्यालय मकवानपुरका प्रवक्ता एवम् डिएसपी जयश्वर रिमालले जानकारी दिए ।
