हेटौंडा टुडे
हेटौँडा/ मकवानपुर प्रहरीले विभिन्न मुद्दामा फरार ५ जनालाई पक्राउ गरेको छ । पक्राउ पर्नेहरुमा हेटौंडा उपमहानगरपालिका वडा नम्वर १८ बस्ने युवराज कुमार साह, हेटौंडा उपमहानगरपालिका वडा नम्वर ३ बस्ने गोपीबहादुर सुनार, भिमबहादुर सुनार, बिजयबहादुर सुनार र कृष्णबहादुर सुनार रहेको जिल्ला प्रहरी कार्यालय मकवानपुरले जनाएको छ । प्रहरीले वन मुद्दामा एक जना र गाली बेज्जती मुद्दामा ४ जना गरी ५ जना फरार प्रतिवादीलाई पक्राउ गरेको हो ।
यस्तै, प्रहरीले वन मुद्दामा हेटौंडा–१८ बस्ने युवराज कुमारलाई पक्राउ गरेको हो । मकवानपुर जिल्ला अदालतको मिति २०७७ पुस २३ गतेको फैसलाले १२ हजार ५ सय रुपैयाँ जरीवाना भुक्तान गर्न बाँकी उनलाई सोमबार हेटौंडा–१० बाट पक्राउ गरेको हो ।
यसैगरी, गाली बेज्जती मुद्दामा फरार गोपीबहादुर, बिजयबहादर र कृष्णबहादुरलाई सोमबार हेटौंडा–३ बाट पक्राउ गरेको प्रहरी निरीक्षक दासले जानकारी दिए । पक्राउ परेको उनीहरुलाई जरीवाना भुक्तान र आवश्यक कारबाहीको लागि मकवानपुर जिल्ला अदालतमा पठाइएको जिल्ला प्रहरी कार्यालय मकवानपुरले जनाएको छ ।
