हेटौंडा टुडे
हेटौँडा/ हेटौंडा उपमहानगरपालिका वडा नम्बर–१४ मयुरधापमा वषौं देखि कच्ची रहेका सडकहरु पक्की निर्माण हुँदै गएका छन् । उपमहानगरपालिकाले सिधै र वडा कार्यालय मार्फत समेत बजेट विनियोजित गरेर यहाँका कच्ची सडकलाई पक्की निर्माण गरिएको मेयर हरि बहादुर महतले वताउनुभयो ।
पहिले जनप्रतिनिधि आउनु भन्दा अघि यहाँका मुल सडक र भित्री सडकहरु कच्ची रहेका थिए । तर, अहिले धेरै सडकहरु पक्की निर्माण गर्दै लगिएको उहाँले वताउनुभयो । उपमहानगरपालिकाले सबै भन्दा धेरै रकम पूर्वाधारको क्षेत्रमा खर्च गरेको छ । त्यसबाट उपमहानगरपालिकामा पछी थपीएका वडामा स्लाब ढलान, पीच, नाली निर्माण, भवन निर्माण, खानेपानी लगायतका क्षेत्रमा काम गरिएको मेयर महतले वताउनुभयो ।
यसैबिच हेटौंडाको मयुरधापमा १२ लाख रुपैयाँ लागतमा स्लाब ढलान गरिएको छ । यहाँ वषौदेखि कच्ची रहेको यस सडक पक्की निर्माण गरिएको हो । सडकको मेयर महतले शिलान्यास गर्नुभयो । कार्यक्रममा हेटौंडा १४ का वडा अध्यक्ष दिपक खड्काको आतिथ्यता रहेको थियो ।
