हेटौंडा टुडे
हेटौंडा । हेटौंडामा आज दिउँसो भएको सवारी दुर्घटना हुँदा एक जना गम्भीर घाइते भएका छन् । हेटौंडा उपमहानगरपालिका वडा नम्वर ५ क्याम्पाडाँडामा बस र मोटरसाइकल एकापसमा ठोक्किएर दुर्घटना हुँदा एक जना घाइते भएको जिल्ला प्रहरी कार्यालय मकवानपुरले जनाएको छ ।
हेटौंडाबाट चौघडातर्फ जाँदै गरेको ना ४ ख ७८३३ नम्वरको बस र विपरित दिशाबाट आउँदै गरेको ना ५३ प ३५१७ नम्वरको मोटरसाईकल एकापसमा ठोक्किएर दुर्घटना हो ।
घाइते हेटौंडा- ४ हुप्राचौरका १८ बर्षीय सागर शाहको अबस्था गम्भिर रहेकाले हेटौंडा अस्पतालमा उपचार संभव नभएपछि हेटौंडा- ११मा रहेको चुरेहिल अस्पतालमा उपचार भइरहेको छ । ठक्कर दिन बस तथा चालक प्रहरी नियन्त्रणमा रहेको मकवानपुर प्रहरी प्रवक्ता डिएसपी जयश्वर रिमालले बताएका छन।
सेयर गर्नुहोस्
