हेटौंडा टुडे
हेटौँडा/ हेटौंडा बजार क्षेत्रमा पार्किङ व्यवस्थापन गर्न जिल्ला ट्राफिक प्रहरी कार्यालय मकवानपुरले सञ्चान गरेको साताव्यापी अभियान सम्पन्न भएको छ ।
प्रहरीले हेटौंडा–४ स्थित स्कुल रोडमा पार्किङ क्षेत्र र नो पार्किङ क्षेत्रमा प्लेटहरु राखेको थियो । स्कुलरोडमा एकतर्फि पार्किङ र एकतर्फी नो पार्किङ व्यवस्था कायम गराएको थियो बिहीबारबाट सुरु भएको एक हप्ते अभियान मंगलबार सम्पन्न भएको हो । यस्तै हेटौंडा–२ स्थित मानसचोकबाट नगरपालिका रोडमा पनि एकतर्फी पार्किङ व्यवस्था लागु गराएको थियो ।
यस्तै बजार क्षेत्रबाहेक मकवानपुरका राक्सिराङ ट्राफिक पोष्ट, भीमफेदी ट्राफिक पोष्ट, हेटौंडा–१९ स्थित नेवारपानी र हेटौंडा–१५ रातमाटे ट्राफिक पोष्टहरुबाट पनि केहि ट्राफिक प्रहरीहरु खटिएको थियो । अभियानमा मकवानपुरमा ४६ जना ट्राफिक प्रहरीहरु खटिएका थिए ।
बजार क्षेत्रमा गाडि जाम हुने, जथाभावि गाडि पार्किङ गर्दा ट्राफिक व्यवस्थापनमा समस्या हुने भन्दै प्रहरीले एक हप्ते अभियान सुरु गरेको थियो ।
