हेटौंडा टुडे
हेटौँडा/ नेकपा (माओवादी केन्द्र) को कैलाश गाउँपालिका अध्यक्षमा बालकुमार मल्ल चयन भएका छन् । सोमबार भएको अधिवेशनले मल्लको अध्यक्षतामा ५५ सदस्यीय गाउँपालिका कमिटी सर्वसम्मत चयन गरेको हो । कमिटीको उपाध्यक्षमा ठाकुर सिं थिङ र लाल सिं गुरुङ, सचिवमा कमल अर्याल, सह–सचिवमा रवीन्द्र थिङ र सुजाता फँयाल, कोषाध्यक्षमा सुनिता दोङ रहेका छन् । त्यस्तै, सदस्यहरुमा नमुना चेपाङ, तिलक मोक्तान, सितराम रुम्बा लगायत रहेका छन् ।
कार्यक्रममा नेकपा माओवादी केन्द्र बागमती प्रदेश कमिटी सदस्य वीर बहादुर घलान ‘ज्वाला’, जिल्ला सचिवालय सदस्य रेखा थापा मगर, जिल्ला समन्वय सदस्य नरेन्द्र रिजाल, निर्वाचन मण्डलका प्रमुख बाल चन्द्र मल्ल लगायतको आतिथ्यता रहेको थियो । यस्तै, माओवादी केन्द्रले हेटौडा उपमहानगरपालिकामा पनि सोमबार नै पालिकास्तरीय अधिवेशन सम्पन्न गरेको छ । सोमबार बसेको प्रथम उपमहानगर सम्मेलनको बन्द सत्रको बैठकले ७१ सदस्यीय नगर सदस्य चयन गरेको छ । नगरको पदाधिकारी भने मंगलबार मात्र चयन हुने माओवादी केन्द्र हेटौंडा उपमहानगरका इन्चार्ज विकेक राईले जानकारी दिए ।
यसअघि मंसिर ११ गते नै थाहा नगरपालिकामा भने ५९ सदस्यीय नगर कमिटी बनाइसकिएको तर पदाधिकारी चयन गर्न बाँकी रहेको माओवादी केन्द्रका नेता कमानसिं पाख्रिन ९पृथक०ले जानकारी दिएका छन् । माओवादी केन्द्रले यसअघि मकवानपुरका १०२ वटै वडाको अधिवेशन सम्पन्न गरिसकेको छ । माओवादीले पालिका निर्वाचनको लागि वडाबाट प्रतिनिधि चयन गरेको छ । गाउँपालिकाको हकमा १ सय ५०, नगरपालिकामा २ सय, उपमहानगरपालिकामा ३ सय र महानगरपालिकामा ४ सय जना प्रतिनिधि छनौट भएका छन् । तु खबरबाट साभार
