टुडे संवादाता 
हेटौंडा/ मकवानपुर प्रहरीले फरक फरक स्थानबाट ८ किलो लागुऔषध गाँजा सहित २ जनालाई नियन्त्रणमा लिईएको छ ।
गए राति ईलाका प्रहरी कार्यालय मनहरीबाट खटिएको प्रहरी टोलीले गस्ती गर्दै जाने क्रममा मनहरी गाउँपालिका वडा नम्बर ७ स्थित पुर्व पश्चिम लोकमार्ग सडक किनारमा शंकास्पद रुपमा हिंडिरहेका राक्सिराङ गाउँपालिका वडा नम्बर २ बस्ने २७ बर्षिये बिनोद मोक्तानलाई चेकजाँच गर्दा मोक्तानले बोकेको झोलामा लुकाई छिपाई ल्याएको लागुऔषध गाँजा ५ किलो फेला मकवानपुर प्रहरी प्रवक्ता जयश्वर रिमालले जानकरी दिए ।
उक्त फेला परेको लागुऔषध गाँजा सहित मोक्तानलाई नियन्त्रणमा लिई थप अनुसन्धान भइरहेको प्रहरीले जनाएको छ ।
त्यस्तै प्रहरीले गए रातीनै प्रहरी चौकी चैनपुर मकवानपुरबाट खटिएको प्रहरी टोली राक्सिराङ गाउँपालिका वडा नम्बर ५ बास ढुङ्गा स्थित भित्री सडक खण्डमा जेकजाँच गर्ने क्रममा कैलाश गाउपालिका वडा नम्बर ८ बस्ने
१८ वर्षिय लोकमान घलानले लुकाई छिपाई ल्याएको लागुऔषध गाँजा ३ किलो फेला परेको प्रहरीले जनाएको छ । उक्त लागुऔषध गाँजा सहित घलानलाई नियन्त्रण लिई थप अनुसन्धान भइरहेको प्रहरीले जनाएको छ ।
