टुडे संवादाता 
हेटौंडा/मकवानपुरको मनहरीमा सवारी दुर्घाटना हुँदा एकजना महिलाको मृत्यु भएको छ । आइतबार आज बिहान टिपर र मोटरसाइकल ठक्कर खाइ दुर्घटना हुँदा एकजना महिलाको मृत्यु भएको हो ।
मोटरसाइकलमा सवार राजमार्ग अन्तर्गत मनहरी–७ मनहरी बजारमा चितवन बाट हेटौडा तर्फ आउदैँ गरेको ना २ क ४३१ नम्बरको खालि टिफरले सोही दिशामा रहेको ना १९ प २३२८ नम्बरको मोटरसाईकललाई ठक्कर दिँदा मोटरसाइकलमा सवार महिलाको मृत्यु भएको हो ।
दुर्घटनामा मोटरसाइकल चालक चितवन भरतपुर–१२ वस्ने ५७ बर्षीय महेन्द्र रेग्मी र मोटरसाइकलमा सवार सोही ठाउ बस्ने ५५ बर्षीय तारा देवी रेग्मी शरीर घाइते भएको र दुवैलाई उद्धार गरी उपचारको लागि चितवन लगिएकोमा महिलाको उपचारको क्रममा मृत्यु भएको मकवानपुर प्रहरी प्रवक्ता डिएसपी जयश्वर रिमालले बताएका छन् । ठक्कर दिने टिपर तथा चालक इलाका प्रहरी कार्यालय मनहरीको नियन्त्रणमा रहेको जनाइएको छ ।
