हेटौंडा टुडे
नेपाल पत्रकार महासंघको ६७ औ स्थापना दिवसका अवसरमा पत्रकार महासंघ मकवानपुर शाखाले बुधबार प्रभातफेरीको आयोजना गरेको छ । हेटौडाको सिमाचोक बाट ब्यानर सहित निस्केको याली मकवानपुर उद्योग वाणिज्य संघ चोक हुदै बुद्धचोकमा आएर सम्पन्न भएको थियो । प्रभातफेरीलाई सम्बोधन गर्दै नेपाल पत्रकार महासंघ मकवानपुर शाखाका अध्यक्ष मणिराज गौतमले स्थापना दिवसका अवसरमा सम्पूर्ण श्रमजीवी पत्रकारहरुमा शुभकामना व्यक्त गर्नुभयो । अध्यक्ष गौतमले आजको दिन श्रमजिवी पत्रकारहरुको लागी विशेष दिन रहेको बताउदै पत्रकार महासंघलाई स्थापना गरेर आज हामीले निर्धक्क रुपमा बोल्न हिड्न र आफुलाई स्वतन्त्रताको प्रत्याभुति पाउनमा संस्थापक अध्यक्ष कृष्ण प्रसाद भट्टराईको योगदानलाई भुल्न नहुने बताउनु भयो । पछिल्लो समय मौलाएको नेपाली संचारक्षेत्र र यहाँ आवद्ध सबैमा आचारसंहिता पालना गरेर सत्यतत्यमा आधारित समाचार प्रकाशनको लागी सम्पुर्ण पत्रकारहरुमा आग्रह गर्नुभयो । समाचार लेखेकै आधारमा पत्रकारहरु अहिले पनि सांघेतिक हमलामा परिरहेको भन्दै उहाँले यस्ता गतिबिधिहरु तत्काल बन्द गर्न समेत माग गर्नु भयो ।
