हेटौंडा टुडे
हेटौंडा । भोलि असार १५ गते बुधबार मकवानपुरगढी गांउपालिका वडा नम्बर – २ को कुर्लेमा राष्ट्रिय धान दिवस मनाइँदैछ । धानबालीमा जैविक विविधताको उपयोग, आयात प्रतिस्थापनमा सहयोग भन्ने मुल नाराका साथ मकावानपुरगढी गाँउपालिका २ स्थित श्री बंशगोपाल मा. वि. (प्राविधिक शिक्षालय) ले १९ औ राष्ट्रिय धान दिवस मनाउन लागेको हो ।
मकवानपुरगढी गाउपालिकाको सहकार्य तथा श्री बंशगोपाल मा. वि. (प्राविधिक शिक्षालय) को आयोजनामा बिध्यालयले धान दिवस तथा रोपाई महोत्सव मनाउन लागेको हो । धान दिवस तथा रोपाई महोत्सव कार्यक्रममा गाँउपालिकाको अध्यक्ष दोर्जे लामा स्याङ्तान , उपाध्यक्ष मान कुमारि पाख्रिन, जनप्रतिनिधीह , कर्मचारि , शिक्षक, विद्यार्थी, युवा कृषक दाजुभाई दिदिबहिनीहरू लगाएतकाको उपस्थिति रहने बिध्यालयका शिक्षक बिक्रम चौरेलले जानकारि दिनु भयो ।
भोलि असार १५ लाई अझ बिशेष बनाउनको निम्ति खेतमा धान रोपाईं गर्ने , संगै आपसमा हिलो छ्यापाछ्याप गरेर मनोरञ्जन गर्ने, असारे गित गाउने तथा दही चिउरा खाने खाएर रमाईलो गर्ने शिक्षक चौरेलले बताउनु भयो ।
