हेटौंडा टुडे
हेटौंडा। वागमती प्रदेश सरकारले भोलि भदौं २२ गते बुधबार तिन जिल्लामा सार्वजनिक बिदा दिएको छ। वागमती प्रदेश सरकारले चेपाङ समुदायको प्रमुख पर्व न्वागीको अवसरमा भदौ २२ गते प्रदेशको मकवानपुर,चितवन र धादिङ जिल्लामा सार्वजनिक विदा दिने निर्णय गरेको हो।
वागमती प्रदेश आन्तरिक मामिला तथा कानुन मन्त्रालयले सोमबार एक सुचना प्रकाशित गर्दै उक्त कुराको जनकारी गराएको हो । सरकारको गत चैत्र ९ गतेको निर्णय अनुसार न्वागीको अवसरमा विदा दिइएको मन्त्रालयले जारी गरेको विज्ञप्तिमा उल्लेख गरिएको छ । यस अघि उक्त पर्वको अवसरमा मकवानपुरको राक्सिराङ गाउँपालिकाले सार्वजनिक बिदा दिदै आएको थियो।
सेयर गर्नुहोस्
