हेटौंडा टुडे
हेटौंडा । हेटौंडा(५ शान्तिनगरमा मोटरसाइकल अनियन्त्रित भई दुर्घटना हेटौंडा(४ बस्ने एक युवक गम्भीर घाइते भएका छन्। मंगलबार अपरान्ह हेटौडा(५ शान्तिनगर स्थित भित्रि सडकखण्डमा शन्तिनगरतर्फबाट सहमील तर्फ जादै गरेको ना ४३ प ८२६८ नम्बरको मोटरसाइकल अनियन्त्रित भई दुर्घटना भएको हो। दुर्घटना हुदा मोटरसाइकल चालक हेटौडा उपमहानगर पालिका (४ बस्ने २८ बर्षीय अमृत मैनाली गम्भीर घाइते भएको मकवानपुरका प्रहरी प्रवक्ता डिएसपी टेक बहादुर कार्कीले बताएका छन्।
उनको साथमा रहेको लाईसन्स अनुसार घाइते मैनाली नै रहेको बुझिएको यद्यपि आवश्यक अनुसन्धान भईरहेको जनाइएको छ। घाइतेलाई अचेत अवस्थामा वडा प्रहरी कार्यालयबाट टोलीले उद्धार गरी हेटौडा अस्पताल लगिएको छ। घाइतेको अवस्था चिन्ताजनक रहेको र उपचार भइरहेको प्रहरीले जनाएको छ।
सेयर गर्नुहोस्
