हेटौंडा टुडे
हेटौडा । हेटौडा ६ चौघडामा रहेको प्रहरी चौकी चौघडा र रातोमाटेमा रहेको रातोमाटे प्रहरी चौकी देशकै प्रहरी कार्यालयहरु मध्ये उत्कृष्ट प्रहरी चौकीका रुपमा घोषित भएको छ ।
सात प्रदेश र एक उपत्यका मध्येबाट आन्तरिक प्रतिस्प्रर्धामा मकवानपुरका यी दुई चौकीले पुलिसस ब्याटन पाउन सफल भएका हुन । देशैभरका चौकीहरु मध्ये उत्कृष्ठ आन्तरिक कार्यसम्पादन, व्यवस्थापनमा यी चौकीहरु उत्कृष्ठ हुन सफल भएको मकवानपुरका प्रहरी प्रमुख बामदेव गौतमले बताउनुभयो ।
उत्कृष्ठ भएको प्रहरी चौकी चौघडा र रातोमाटेलाई भोली सोमबार ६७ औ प्रहरी दिवसका अवसरमा काठमाण्डौमा आयोजित एक कार्यक्रममा पुरस्कार प्रदान गर्ने प्रमुख गौतमले बताउनु भयो ।
देशभरबाट उत्कृष्ट चौकी हुन सफल भएपछि प्रहरी चौकी चौघडाका प्रहरी नायक निरिक्षक रामशरण दुलालले खुसी व्यक्त गरेका छन् । उनले यसबाट झनै अझ राम्रो काम गर्न उर्जा र हौसला मिलेको बताउनु भयो ।
