हेटौंडा टुडे
हेटौडा । नेपाली कांग्रेसका प्रवक्ता डा। प्रकाशशरण महतले आगामी सरकार कांग्रेसकै नेतृत्वमा बन्ने दाबि गरेका छन् । मंगलबार हेटौंडामा आयोजित पत्रकार सम्मेलनमा बोल्दै डा।महतले प्रतिनिधि सभाको प्रत्यक्षतर्फको कूल १६५ सिटमध्ये सत्तारुढ गढबन्धनको नेतृत्व गर्दै कांग्रेस एक्लैले ९१ सिटका लागि उम्मेदवारी दिएको बताउँदै आगामी सरकारको नेतृत्व कांग्रेसले नै गर्ने बताएका हुन् ।
उनले भने, ‘सरकारको नेतृत्व कसले गर्ने भन्ने विषयमा औपचारिक निर्णय भएतापनि गठबन्धनको अगुवा दल भएको कारण कांग्रेसकै नेतृत्वमा सरकार बन्नेछ ।’प्रत्यक्षतर्फको ७४ सिटमा भने गठबन्धनमा रहेको अन्य दलको उम्मेदवारी रहेको उनले बताए । उनले संविधानको रक्षा, व्यवस्थाको रक्षासहित र जनताको अवस्था परिवर्तन, मुलुकमा स्थिरता र समृद्धि ल्याउन गठबन्धन निर्माण भएको बताए ।उनले मकवानपुरमा लोकतान्त्रिक गठबन्धनका सबै उम्मेदवार सक्षम र सशक्त रहेको बताउँदै आसन्न निर्वाचनमा उनीहरुलाई मतदात गरी विजयी गराइदिन हुन आग्रह गरे ।
