हेटौंडा टुडे
हेटौडा- धरान–चतरा सडकखण्ड अन्तरगत मकवानपुरको बकैया गाउँपालिका वडा नम्वर ५ तिनतल्लेमा आईतबार साँझ ट्रक दुर्घटना हुँदा दुई जना घाइते भएका छन् ।
हेटौंडाबाट फापरबारीतर्फ जाँदै गरेको प्रदेश–२–०३–००१ ख ०८१४ नम्वरको (चिप्स ढुङगा लोड) ट्रक अचानक ब्रेक फेल भई सडकबाट अन्दाजी १२ मिटर तल खस्न गई दुर्घटना हुँदा दुई जना घाइते भएको जिल्ला प्रहरी कार्यालय मकवानपुरका प्रहरी नायव उपरीक्षक टेकबहादुर कार्कीले जानकारी दिए ।
घाइते हुनेहरुमा ट्रक चालक सर्लाहीको ईश्वरपुर नगरपालिका वडा नम्वर १२ बस्ने २४ वर्षीय सागर खड्का र सहचालक बाराको निजगढ नगरपालिका वडा नम्वर ५ बस्ने ४४ को धर्मप्रसाद चौलागाई रहेका छन् ।
घाइतेमध्ये ट्रक चालक खड्काको हेटौंडाको चुरेहिल अस्पतालमा उपचारपश्चात थप उपचारको लागि चितवनको भरतपुर पठाइएको प्रहरी नायव उपरीक्षक कार्कीले बताए । अर्का घाइते सहचालकको भने चुरेहिल अस्पतालमै मृत्यु भइरहेको छ ।
