हेटौंडा टुडे
हेटौंडा । मकवानपुर प्रहरीले निर्वाचन बिरोधि गविधि गरेको भन्दै हेटौंडाबाट नेकपा बहुमत समुहका ७ जनालाई पक्राउ गरेको छ ।पक्राउ पर्नेहरुमा समुहका जिल्ला ईन्चार्ज रबि खड्का सहित जिल्ला संयोजक शक्ति मगर, जिल्ला सचिवालय सदस्य लिला माझी, जिल्ला सदस्यहरु अजय गहतराज, बिकास लामा, अनिल सिङ्तान र जिल्ला युवा अध्यक्ष बसन्त लामा रहेका छन् ।
प्रहरीले आइतबार बिहान १० बजेको समयमा हेटौंडा उपमहानगरापालिका वडा नम्बर १० बसपार्क क्षेत्रबाट उनिहरु पक्राउ गरेको हो ।उनीहरुलाई जिल्ला प्रहरी कार्यलयमा राखिएको जिल्ला प्रहरी कार्यलय मकवानपुरका प्रवक्ता एवं प्रहरी नायव उपरीक्षक टेकबहादुर कार्कीले जानकारी दिए । उनीहरुले निर्वाचन विरोधी नारा लगाउँदै हिडेको अवस्थामा पक्राउ गरिएको प्रवक्ता कार्कीको भनाई छ ।
यस्तै प्रवक्ता कार्कीले जिल्लाका सबै मतदान केन्द्रमा निर्वाध मतदान भइरहेको जानकारी दिए । उनले कहिकतैपनि अप्रिय खटनाको खबर नआएको बताए ।
