हेटौंडा टुडे
हेटौंडा। मकवानपुरको मनहरीमा बसको ठक्करबाट एक जनाको ज्यान गएको छ।
बुधबार बिहान पुर्व पश्चिम राजमार्ग अन्तर्गत मकवानपुरको मनहरी ९ खरङ्गामा झापाबाट पोखरातर्फ आउदै गरेको लु२ख ४६०७ नम्बरको यात्रुवाहक बसले भोजपुरको भोजपुर नगरपालिका ७ कोदार बस्ने ४५ बर्षीया सिता मिजारलाई ठक्कर दिदा उनको ज्यान गएको मकवानपुर प्रहरीले जनाएको छ।
मृतक काकडभिट्टा बाट स्याङजातर्फ जादै गरेको ना५ख ६१०३ नम्बरको बसको यात्रु भएको र बस चढ्न बाटो काट्दा विपरीत दिसाबाट आएको लु २ ख ४६०७ नम्बरको बसले ठक्कर दिदा मृत्यु भएको मकवानपुर प्रहरी प्रवक्ता डिएसपी टेक बहादुर कार्कीले बताएका छन्। उनको उपचारको क्रममा हेटौंडा(११ मा रहेको चुरेहिल अस्पतालमा मृत्यु भएको जनाइएको छ। ठक्करदिने बस तथा चालक मकवानपुर प्रहरीको नियन्त्रणमा रहेको जनाइएको छ।
सेयर गर्नुहोस्
