हेटौंडा टुडे
हेटौंडा । हेटौंडा उपमहानगरपालिक वडा नम्बर १६ का १२ बर्षीय बालक मुस्कान भनिने सुजन थिङको हत्या आरोपमा प्रहरीले स्थानीय ३८ बर्षीय आइत सिं भोम्जनलाई पक्राउ गरेको छ ।
गत सोमबार हात बाधेर रुखमा झुण्डिएको अवस्थामा मृत फेला परेका हेटौंडा १६ बाबेडाँडाका मेघ बहादुर थिङका १२ बर्षीय छोरा मुस्कानको हत्या आफुले गरेको स्विकार गरेपछि भोम्जनलाई पक्राउ गरिएको प्रहरीले जनाएको छ ।
भोम्जनलाई हत्यामा संलग्न भएको शंकामा सोधपुछको लागी मंगलबार नियन्त्रमा लिइएकोमा उनले बालक थिङको हत्या आफुले गरेको स्विकार गरेको जिल्ला प्रहरी कार्यलय मकवानपुरका प्रवक्ता एवं प्रहरी नायव उपरीक्षक टेकबहादुर कार्कीले जानकारी दिए ।
बालक घरबाट हराएको भन्दै खोजतलास गर्ने क्रममा आइतबार बिहान घरबाट अन्दाजी ३ सय मिटर पर जरुङ्गे सामुदायिक वनमा दुबै हात बाँधिएको अवस्थामा क्यामुनाको रुखमा झुण्डिएको अवस्थामा फेला परेका थिए ।
बालक मुस्कानको हत्यामा संलग्न भोम्जनलाई मुलुकी अपराध संहिता २०७४ को परिच्छेद १२ को ज्यान सम्बन्धी कसुरको दफा १७७ बमोजिम कसुर गरेकोले जन्मकैद सम्मको सजाय हुनेसक्ने प्रहरीले जनाएको छ ।
