हेटौंडा टुडे
हेटौंडा| काठमाडौंमा जारी नेपाल टी–२० क्रिकेटमा आजबाट दर्शकले नि:शुल्क प्रवेश पाउने भएका छन् ।
आयोजकका अनुसार प्रतियोगिताका म्याचहरूमा यसअघि १०० रुपैयाँ टिकट तोकिएकोमा आजदेखि नि:शुल्क गरिएको हो ।
नेपाल क्रिकेट संघ ९क्यान० को आधिकारिक टी–२० प्रतियोगिताका रूपमा रहेको नेपाल टी–२० गत शनिवारबाट सुरु भएको थियो । यस प्रतियोगितामा ६ वटा फ्रेन्चाइज टिमहरूले प्रतिस्पर्धा गरिरहेका छन् ।
प्रतियोगिताको विजेताले ५५ लाख रुपैयाँ पाउने पूर्व घोषणा गरिएको छ । यस प्रतियोगिताको प्रत्यक्ष प्रशारण एक्सन स्पोर्ट्सले गर्छ ।
आयोजक स्रोतका अनुसार दर्शकहरूलाई घरेलु क्रिकेटप्रति आकर्षण बढाउनका लागि प्रवेश नि:शुल्क गरिएको हो ।निःशुल्क अफर कति दिनलाई हो भन्ने चाहिँ खुलाइएको छैन ।
सेयर गर्नुहोस्
