हेटौंडा टुडे
हेटौंडा| यो साता शुक्रबार मर्ण जेम्स र यश सैनीको निर्देशनमा बनेको फिल्म ‘चि मुसी चि’ प्रदर्शनमा आएको छ । हरर विधामा बनेको फिल्ममा अभिनेत्री प्रियंका कार्की, रिचा शर्मा, बेनिशा हमाल, आयुष्मान देशराज जोशी श्रेष्ठ, राजन खतिवडा, रवीन्द्र झाको अभिनय छ ।
अरुण चक्रवर्तीको प्रस्तुति रहेको ‘चि मुसी चि’ यो साता प्रदर्शनमा आएको एक्लो नेपाली फिल्म हो । अघिल्लो साता प्रदर्शनमा आएको ‘डिसेम्बर फल्स’ पनि हलमा प्रदर्शनरत छ । साथै, हलमा ‘अवतार : द वे अफ वाटर’, ‘सर्कस’ र ‘दृश्यम’ पनि अझै प्रदर्शनमा छ ।
‘चि मुसी चि’मा एउटै भवनमा बस्दै आएका परिवारहरुले अनुभव गर्ने डरलाग्दा घटना अनि त्यसले ल्याउने मनोवैज्ञानिक असरलाई समेटेको छ ।
सेयर गर्नुहोस्
