हेटौंडा टुडे
हेटौंडा । बागमती प्रदेशको सभामुखमा राप्रपाका प्रदेश सांसद भुवन पाठक निर्वाचित भएका छन् ।
प्रदेशसभाको शुक्रबार बसेको बैठकमा सभामुखको मतदानका क्रममा उनले ६२ मत प्राप्त गरेका हुन् । बहुमत ल्याएकाले उनी सभामुखमा निर्वाचित भएका छन् । उनको विपक्षमा ३९ सांसदले मतदान गरे भने र तटस्थमा ७ सांसद रहेका छन् । १ जना सांसद भने अनुपस्थित छन् ।
यसअघि, बागमती प्रदेशको सभामुख पदका उम्मेद्वार शिवराज अधिकारीले जम्मा ३६ मत पाएका थिए । उनको विपक्षमा ६५ सांसदले मतदान गरे भने र तटस्थमा ७ सांसद रहेका छन् । १ जना सांसद भने अनुपस्थित थिए ।
त्यस्तै, सभामुख पदकी उम्मेद्वार सृजना सायजुले जम्मा ३ मत पाएकी छिन् । उनको विपक्षमा ९८ सांसदले मतदान गरे भने तटस्थमा ७ सांसद रहेका थिए । १ जना सांसद भने अनुपस्थित छन् ।
सेयर गर्नुहोस्
