हेटौंडा टुडे
हेटौंड । बागमती प्रदेश सभाको उपसभामुख पदमा अप्सरा चापागाई खत्री निर्वाचित हुनुभएको छ । प्रदेश सभा बैठकमा सभामुख भुवन पाठकले सोमबार साँझ ५: ३० बजे अप्सरा चापागाई खत्रीलाई ६१ मतसहित प्रदेश सभा उपसभामुख पदमा निर्वाचित हुनुभएको घोषणा गर्नुभयो ।
ललितपुरकी खत्री नेकपा एमालेबाट समानुपातिक निर्वाचन प्रणालीमार्फत प्रदेश सभामा निर्वाचित हुनुभएको हो । प्रदेश सभामा सोमबारको बैठकमा सहभागी १ सय ८ जना सदस्यमध्ये खत्रीले प्राप्त गर्नुभएको ६१ मत बहुमत भएकोले अप्सरा चापागाई खत्रीलाई उपसभामुख पदमा निर्वाचित हुनुभएको सभामुख पाठकले घोषणा गर्नुभयो ।
सेयर गर्नुहोस्
