हेटौंडा टुडे
हेटौंडा । तामाङ समुदायले मनाउने सोनाम ल्होसार अर्थात् नयाँ वर्ष पर्व आज आइतबार मनाइँदैछ । तामाङ समुदायको बाहुल्यता रहेको बागमती प्रदेशका विभिन्न जिल्लामा यो पर्व अझ विशेष रूपमा मनाइने गरिन्छ ।
मञ्जुश्री पात्रोअनुसार आजदेखि २८५९ औँ वर्ष शुरू हुन्छ । प्रत्येक वर्ष माघ शुक्ल प्रतिपदाको दिन विभिन्न कार्यक्रम गरी सोनाम ल्होसार पर्व मनाइन्छ । आज पूजाआजा, सांस्कृतिक कार्यक्रम, पारिवारिक भेटघाट जस्ता गतिविधि हुन्छन् ।
पर्वका अवसरमा आज सरकारले देशभर सार्वजनिक बिदा दिएको छ ।
सेयर गर्नुहोस्
