हेटौंडा टुडे
हेटौंडा । माघ १६ गते सहिद दिवसको अवसरमा हेटौंडामा जिल्लास्तरीय खुल्ला कविता प्रतियोगिता हुने भएको छ । हेटौंडा उपमहानगरपालिका ४ नम्बर वडा कार्यालयको आयोजना र श्यामप्रसाद स्मृती प्रतिष्ठान मकवानपुरको व्यवस्थापनमा प्रतियोगिता हुन लागेको हो ।
प्रतियोगितामा प्रथमलाई ७ हजार ५ सय, द्वितीयलाई ५ हजार ५ सय, तृतीयलाई ३ हजार ५ सय र सान्त्वना दुई जनालाई एकरएक हजार रूपैंया पुरस्कार राखिएको वडा अध्यक्ष नवीन सिग्देलले बताए । साहित्यलाई प्रतिस्पर्धाद्वारा प्रवर्द्वन गर्ने र सहिदको सम्मान र भूमिका स्थापित गर्न कार्यक्रम आयोजना गरिएको वडा अध्यक्ष सिग्देलको भनाई छ ।
कार्यक्रममा जिल्लाभरका ईच्छुक व्यक्ति सहभागी हुन पाउने श्याम प्रसाद प्रतिष्ठान मकवानपुरका सचिव सुभाष गौतमले जानकारी दिए । सहिद विषयमा र शीर्षक स्वच्छिक हुने खुल्ला कविता प्रतियोगिता पशुपती मन्दिर हेटौँडा ४ मा १६ गते हुने सचिव खनाल बताए ।
