हेटौंडा टुडे
हेटौंडा । जिल्ला फुटबल संघ मकवानपुरको आयोजनामा भएको ‘स्थानीय तह सहिद स्मृति अन्तराष्ट्रिय मकवानपुर गोल्डकप’ फुटबल प्रतियोगिता –२०७९ अन्तर्गत मंगलबार भएको खेलमा हिमालयन शेर्पा विजयी भएको संगै क्वाटरफाइनलमा प्रवेश गरेको छ । शेर्पा लाई जित दिलाउनका लागि यामीले र विशाल लिम्बुले एक गोल गरे । त्यस्तै बागमतीका ले एक गोल फर्काए । निकै प्रतिस्पर्धात्क खेलमा पहिलो हाफमै हिमालयन शेर्पाले अग्रता बनाएको थियो । शेपाका लागि खेलको ३८ औँ मिनेटमा यामीले गोल गरे । त्यस्तै दोस्रो हाफमा खेलको ५८ औँ मिनेटमा शेर्पाका विशाल लिम्बुले गोल गर्दै अग्रता दोब्बर बनाए । खेलको ६५ औँ मिनेटमा बागमतीका संगम धिमालले गोल गर्दै अग्रता छोट्याए ।
तर बागमतीले बाँकी समयमा थप गोल गर्न नसकेपछि शेर्पाले प्रतिस्पर्धात्क जित हात पर्यो । उता शेपासंग पराजित भएको बागमती प्रतियोगिताबाट बाहिरिएको छ । जितसंगै शेर्पा प्रतियोगिताको क्वाटरफाइनलमा प्रवेश गरेको छ । अब फाइनल प्रवेशका लागि शेर्पोले एडिभिजन टोली फ्रेण्डस् क्लबको सामना गर्नेछ । खेलको म्यानअफ द म्याच शेर्पाका विशाल लिम्बु घोषित भए । उनले नगद १० हजार प्राप्त गरे । आज बुधबारदेखि क्वाटरफाइलनका खेलहरु हुदैछन । दिउँसो ३ बजेबाट प्रतियोगिताको पहिलो क्वाटरफाइनलको खेल क्यामरुनी टोली एभिनियर एफसी र बीरगञ्ज यूनाईटेडबीच हुनेछ ।
।
।
