हेटौंडा टुडे
हेटौंडा|मकवानपुर प्रहरीले मोटरसाईकल चोरी गर्ने दुई जनालाई पक्राउ गरेको छ । प्रहरीले हेटौंडा उपमहानगरपालिका वडा नम्वर ७ र बागमती गाउँपालिका वडा नम्वर ८ बाट चोरी भएको मोटरसाईकलसहित दुई जनालाई पक्राउ गरेको हो ।
प्रहरीले गत भदौ ३ गते हेटौंडा–७ बाट र फागुन ४ गते फापरबारीबाट हराएको मोटरसाईकलसहित दुई जनालाई पक्राउ गरेको हो ।
प्रहरीले सर्लाहरीको बागमती नगरपालिका वडा नम्वर १ डाँडाबासबाट सिन्धुलीको हरिहरपुर गाउँपालिका वडा नम्वर ६ का आइतसिंह गोले र सर्लाहीको बागमती गाउँपालिका वडा नम्वर १ का रोशन घिसिङलाई पक्राउ गरेको जिल्ला प्रहरी कार्यालय मकवानपुरका प्रहरी नायव उपरीक्षक टेकहादुर कार्कीले जानकारी दिए ।
प्रहरीका अनुसार, उनीहरुले ना २५ प ९२४५ नं. को १५० सिसिको र ना ३८ प ७९७४ नम्वरको २२० पल्सर मोटरसाईकल चोरी गरेका थिए । पक्राउ परेका उनीहरुमाथि आवश्यक अनुसन्धानका साथै कानूनी प्रकृया अगाडि बढाइएको जनाइएको छ ।
