ईच्छा अधिकारि
देशको लागी अब मैले कलम चलाउनु छ |
सबलाई मीठो लाग्ने फल यही फलाउनु छ ||
देशको लागी अब मैले पसिना बगाउनु छ |
अज्ञानी र गरिबीलाई सक्षम बनाउनु छ ||
बगैचामा हीरा मोती सुन फुलाउनु छ |
ज्ञानी सक्षम युवाहरुलाई यही भुलाउनु छ ||
यो देशको विकास गर्ने जग बसाउनु छ |
हत्या हींसा बलत्कारको निर्मुल गराउनू छ ||
बुद्धको ज्ञानले नेपाल भराउनु छ |
आधुनिक शिब सृष्टि यही गराउनु छ ||
देशको लागी अब मैले कलम चलाउनु छ |
साक्षर र सक्षम नेपाली अब बनाउनु छ ||
देशको लागी अब मैले पाइला बढाउनु छ |
आत्म निर्भर हुने कथा सबलाइ पढाउनु छ ||
सेयर गर्नुहोस्
