हेटौंडामा जीपको ठक्करबाट महिलाको मृत्यु

हेटौंडा । पूर्वपश्चिम राजमार्ग अन्तरगत हेटौंडा ११ थानाभर्याङमा जीपको ठक्करबाट एक महिलाको मृत्यु भएको छ । मृत्यु हुने करिब ३५ ४० बर्षीया महिलाको पहिचान खुलेको छैन ।
दुर्घटनामा घाइते उनलाई हेटौंडा अस्पतालमा लगिएकोमा चिकित्सकले मृत घोषित गरेको जिल्ला प्रहरी कार्यालय मकवानपुरले जनाएको छ । शव हेटौंडा अस्पतालमा रहेको प्रहरीले जनाएको छ ।नवलपुरतर्फबाट हेटौडातर्फ आउँदै गरेको मधेश प्रदेश०३००१च ६९४३ नम्बरको जीपले महिलालाई ठक्कर दिएको प्रहरीको भनाई छ । ठक्कर दिने सवारी र चालक प्रहरी नियन्त्रणमा छ ।