हेटौंडा टुडे
हेटौंडा|पर्सा प्रहरीले लागूऔषधसहित मंगलबार दिउँसो दुई किशोरलाई पक्राउ गरेको छ । पर्साको वीरगंज महानगरपालिका–१४ बाट नियन्त्रित लागूऔषधसहित प्रहरीले दुई जनालाई पक्राउ गरेको हो ।
पक्राउ पर्नेहरुमा चितवन भरतपुर महानगरपालिका–३ कमलनगर बस्ने १८ वर्षीय किशोर र मकवानपुर हेटौंडा चिसापानी बस्ने १५ वर्षीय किशोर रहेका छन् । प्रहरीले उनीहरुको नाम खुलाएको छैन
प्रहरीले उनीहरुको साथबाट नियन्त्रित लागूऔषध नुर्फिन १५ एम्पुल, डाईजेपाम १५ एम्पुल र फेनारगन १५ एम्पुल बरामद गरेको छ ।
प्रहरी चौकी गण्डकबाट खटिएको प्रहरीले ना ५ ख ५८९४ नम्बरको बसलाई जाँच गर्ने क्रममा बसमा सवार उनीहरुलाई उक्त लागूऔषधसहित फेला पारी पक्राउ गरेको हो । पक्राउ परेका उनीहरुमाथि आवश्यक अनुसन्धान गरिरहेको जनाइएको छ ।
सेयर गर्नुहोस्
