हेटौंडा टुडे
हेटौंडा । मकवानपुरको विभिन्न स्थानमा रहेको ७ वटा क्याम्पसमा स्वतन्त्र विद्यार्थी युनियनको निर्वाचन हुँदैछ। त्रिभुवन विश्वविद्यालय अन्तर्गत सम्बन्धन प्राप्त ७ वटा क्याम्पसमा स्ववियु निर्वाचन हुँदैछ।
हेटौंडामा रहेको मकवानपुर बहुमुखी क्याम्पस,वन विज्ञान अध्ययन संस्थान,हेटौंडा क्याम्पस,वंशगोपाल क्याम्पस, हटिया जनप्रिय क्याम्पस,मनहरी क्याम्पस,निर्मल बहुमुखी क्याम्पसमा स्वतन्त्र विद्यार्थी युनियनको निर्वाचन हुँदैछ। पालुङ बहुमुखी क्याम्पसमा भने निर्विरोध निर्वाचित भइसकेका छन्
। नेपाल विद्यार्थी संघ,माओवादी निकट अखिल क्रान्तिकारी संयुक्त गठबन्धन सहित चुनाव तालमेल गरेका छन् भने। एमाले निकट अनेरास्ववियु,विप्लव निकट क्रान्तिकारी र नेकपा एस निकट अनेरास्ववियु विच ७ वटै क्याम्पसमा तालमेल रहेको छ। स
म्बन्धित क्याम्पसले निर्वाचनको तयारी पुरा भएको बताएका छन् भने मकवानपुर प्रशासनले सम्भावित घटनालाई मध्यनजर गरेर सुरक्षा व्यवस्था मजबुत बनाएको जनाएको छ। त्रिभुवन विश्वविद्यालयले स्ववियु निर्वाचन बिहान ८ बजेदेखी अपरान्ह ४ बजेसम्मलाई तोकेको छ।
