मकवानपुरमा मोटरसाइकलको ठक्करबाट पैदल यात्रीको मृत्यु

हेटौंडा । मकवानपुरमा मोटरसाइकलको ठक्करबाट आज बिहान एक जनाको मृत्यु भएको छ । बागमती गाउँपालिक वडा नम्बर -८ साततलेमा बुधबार  विहान मोटरसाईकलको ठक्करबाट एक जनाको मृत्यु भएको हो । बिहान ४ बजेको समयमा साततले राजबास पुलमा मोटरसाइकलले ठक्कर दिदा बकैया गाउँपालिका वडा नम्बर–८ खजुरीदमारका ५० वर्षिय दिल बहादुर स्याङतानको मृत्यु भएको जिल्ला प्रहरी कार्यालय मकवानपुरले जनाएको छ । फापरबारीबाट हेटौंडा तर्फ आउँदै गरेको बा २५ प १९०८ नम्बरको मोटरसाइकलले पैदल यात्री स्याङतानलाई ठक्कर दिदा उनको मृत्यु हो । घटनास्थलबाट मोटरसाइकल चालक फरार भए पनि मोटरसाइकल भने नियन्त्रणमा रहेको प्रहरीले जनाएको छ ।