हेटौंडा टुडे
हेटौडा | हेटौडाका राज कटुवाल अभिनित मनका कुरा गरौंला नि एसो मिलाएर बोलको म्युजिक भिडियोले संगीत बजारमा तहल्का पिटीरहेको छ । द डिभाईन म्युजिक युटयुब च्यानलबाट बजारमा आएको यो गीतको भिडियो २२ फ्रेवरी २०२३ मा अपलोड भएपनि पछिल्लो महिनादेखी निकै चर्चामा छ । भोलि दिउँसो भेट्न आऊ है मेसो मिलाएर बोलको गीतले भिडियो टिकटकको नेपाल टेन्डिङमा घरजम बनाईरहेको छ ।
टिकटक र अन्य सामाजिक संजालहरुमा पनि निकै रुचाईएको यो गीतको भीडीयोलाई यो समाचार तयार पार्दाको समय अप्रिल १२ सम्ममा एघार लाख पचहत्तर हजार भन्दा बढीले हेरीसकेकाछन् । नेपाली संगीत क्षेत्रका जादुगर संगीतकार गायक एबं रचनाकार अर्जुन पोखरेलको संगीत रहेको गीतमा गायक निशान भटराई र अस्मिता अधिकारीले स्वर दिएकाछन् ।
दिग्गज द्यौरालीको शब्द रहेको गीतले युवापुस्ताको निकै मन जितिरहेको छ । गीतको भिडियोमा राज संगै उनलाई श्रद्धा क्षेत्रीले स्किृन सेयर गरेकीछिन । श्रदा र राजको केमेस्टी गज्जबको देखिएको छ । उनिहरुले भिडियोमा प्रेमी प्रेमिकाको रुपमा अभिनय गरेका छन्। गीतले संगीत बजारमा चर्चा कमाएपछि कलाकार राज पनि दंग छन् । उनले मिहेनत गरेको प्रतिफल पाएकोमा खुसी लागेको बताएकाछन् । राजले यसअघि लालटिन,लिला,म यस्तो गीत गाउछु लगाएतका चलचित्रहरुमा समेत अभिनय गरीसकेका छन् । नयाँ चलचित्रको तयारीमा लागेका राज एसो मिलाएर गीत हिट बन्दा उत्साहित भएको बताउछन् ।
