हेटौंडा टुडे
हेटौंडा | मनहरी गाउँपालिका–९ भलादमिचोकमा ट्रकमा मोटरसाइकल ठोक्किँदा एक जना घाइते भएका छन् । घाइते हुनेमा मोटरसाइकल चालक मनहरी गाउँपालिका–८ सिमपानी बस्ने ४५ वर्षीय नारायण यादव रहेका छन् ।
पुर्व–पश्चिम राजमार्ग अन्तर्गत बुधबार विहान चितवनबाट हेटौंडाबाट जादै गरेको ना ५ ख ५३३७ नम्बरको ट्रकले पार्किङ गर्न घुमाउदा सोही दिशाबाटै जाँदै गरेको प्र.३–०३–००१ प २१५९ नम्बरको मोटरसाइकल ट्रकको ढालामा ठोक्किएको जिल्ला प्रहरी कार्यालय मकवानपुरले जनाएको छ ।
प्रहरीका अनुसार यादवको शरिरको बिभिन्न भागमा चोट लागेको छ । उनको उपचारको लागि भरतपुरतर्फ पठाइएको र अवस्था मध्यम रहेको प्रहरीले जनाएको छ । दुबै सवारी र ट्रक चालक प्रहरीको नियन्त्रणमा रहेको छ ।
सेयर गर्नुहोस्
