हेटौंडा टुडे
हेटौंडा । भारतबाट डिजेल–पेट्रोलको मूल्य बढेर आएको छ । इन्डियन आयल कर्पोरेसनले आज पठाएको मुल्य सूची अनुसार डिजेलमा एक रुपैयाँ र पेट्रोलमा करिब साढे ६ रूपैयाँ मूल्य बढेर आएको नेपाल आयल निगमका प्रवक्ता मनोज कुमार ठाकुरले बताएका छन्।
अन्तर्राष्ट्रिय बजारमा कच्चा तेलको मूल्य बढेकाले इन्धनको मूल्य बढेको उनले बताए । १५ दिन अघि कच्चा तेल प्रतिब्यारेल ७५र७६ अमेरिकी डलर रहेकोमा अहिले अहिले प्रतिब्यारेल ८५ डलर पुगेको छ।हाल नेपाली बजारमा पेट्रोलको मूल्य प्रतिलिटर १७५ रुपैयाँ र डिजेलको मूल्य प्रतिलिटर १६५ रुपैयाँ रहेको छ। आइओसीले नेपाल आयल निगमलाई पन्ध्र(पन्ध्र दिनमा पेट्रोलियम पदार्थको नयाँ मूल्य पठाउने गर्दछ।
सेयर गर्नुहोस्
