हेटौंडा टुडे
हेटौडा । चलचित्र पत्रकार संघ नेपाल मकवानपुर शाखाले जेष्ठ ७ गते पर्ने चलचित्र पत्रकारिता दिवसको अवसरमा राष्ट्रिय चलचित्र पत्रकारिता पुरस्कार–२०८० बाट वरिष्ठ पत्रकार राजन घिमिरेलाई प्रदान गर्ने भएको छ ।
चलचित्र पत्रकार संघ नेपाल मकवानपुर शाखाको शनिबार बसेको कार्य समितिको बैठकले घिमिरेलाई नगद १० हजार सहित सम्मानपत्रको राष्ट्रिय चलचित्र पत्रकारिता पुरस्कार प्रदान गर्ने निर्णय गरेको संघका अध्यक्ष कपिल खड्काले बताए । घिमिरे चलचित्र पत्रकार संघ नेपालका संस्थापक कार्यसमित सदस्य समेत हुन । उनी करीब तीन दशक देखी पत्रकारिता क्षेत्रमा सक्रिय छन् ।
यस्तै सघले यो वर्षको चलचित्र पत्रकारिता पुरस्कार–२०८० बाट चलचित्र पत्रकार संघ मकवानपुरका संस्थापक अध्यक्ष पोष्टराज अधिकारी ुकुमारुलाई प्रदान गर्ने भएको छ । अधिकारीलाई नगद ५ हजार सहित सम्मानपत्र प्रदान गरीनेछ । उनी मकवानपुरबाट नयाँ पत्रिकाका लागि पत्रकारिता गर्दै आइरहेका छन् ।
सोही अवसरमा मकवानपुरमा जन्म भई राष्ट्रिय कलाकारितामा जम्न सफल कलाकारहरुलाई सम्मान स्वरुप हरेक वर्ष प्रदान गर्दै आएको चलचित्रकर्मी सम्मानबाट यो वर्ष कलाकर्मी सम्मान–२०८० बाट कलाकार सुलेमान शंकर ईकुलाई प्रदान गरीने संघले बताईएको छ ।
