हेटौंडा टुडे
हेटौडा|आज साता कारोकारको तेस्रो दिन मंगलबार शेयर बजारमा हरियाली छाएको छ । लामो समयसम्म १८ सयको विन्दुमा कायम रहेको नेप्से सूचक आज ५१ अंकले बढेर १९४२ विन्दुमा पुगेको छ ।
शेयर बजारमा एकाएक उछाल आएसँगै आज कारोबार रकम समेत बढ्न पुगेको छ । नेप्सेमा सूचीकृत २७१ कम्पनीको ६० लाख ६७ हजार ४३२ कित्ता शेयर किनबेच हुँदा दुई अर्ब २० करोडमाथिको कारोबार भएको छ ।
नेप्सेमा रहेका सबै उपसूचकमा आज हरियाली छाएको छ । सर्वाधिक उत्पादन तथा प्रशोधन उपसूचक ४.०५ प्रतिशत र माइक्रोफाइनान्स उपसूचक ४.०३ प्रतिशतले बढ्न पुगेको छ ।
सेयर गर्नुहोस्
