हेटौंडा टुडे
हेटौंडा । २५ वर्षअघि एक टन गाँजा छाडेर भागेका मकवानपुरको राक्सिराङ गाउँपालिकाको सरिखेतका ईमान सिं वाईबालाई प्रहरीले पक्राउ गरेको छ ।
प्रहरीले इमानलाई बुधबार राति मनहरी बजारबाट पक्राउ गरेको हो । उनी २०५५ साल असार ३१ गते साविक मनहरी गाविस–८, खरंगा राप्तीखोला नजिकबाट फरार भएका थिए ।
उनले ४१ वटा बोरामा एक हजार पाँच केजी लागुऔषध गाँजा छाडेर भागेका थिए । बरामद भएको गाँजा नियन्त्रणमा लिए पनि प्रहरीले ईमानलाई पक्राउ गर्न सकेको थिएन ।
पक्राउ परेका ईमानलाई मकवानपुर जिल्ला अदालत पेश गरी अनुसन्धान प्रकृया अगाडी बढाइएको प्रहरीले जनाएको छ ।
सेयर गर्नुहोस्
