हेटौंडा टुडे
हेटौंडा | प्रधानमन्त्री पुष्पकमल दाहालको चार दिने भारत भ्रमण अन्तरगत आजबाट भेटघाटलाई तिब्रता दिईदैछ ।
उनले भारतीय समकक्षी नरेन्द्र मोदीसँग भेटवार्ता गर्ने भएका छन् । प्रधानमन्त्रीले भारतीय समकक्षीसँग भेटवार्ता गरे लगत्तै प्रतिनिधिमण्डल स्तरमा भेटवार्ता हुने र सो क्रममा सम्झौता पत्रमा हस्ताक्षर, केही परियोजनाको उद्घाटन र दुई देशका प्रधानमन्त्रीसहितको पत्रकार सम्मेलन हुनेछ ।
आजै दाहालले भारतका भारतीय राष्ट्रपति द्रौपदी मुर्मू र उपराष्ट्रपति जगदीप धनखडसँग शिष्टाचार भेट गर्नेछन् । आज विहान प्रधानमन्त्री दाहालले महात्मा गान्धीको समाधिस्थल राजघाट पुगी पुष्पगुच्छा अर्पण गर्नेछन् ।
साँझ नेपाल र भारतका उद्योगी, व्यवसायीलाई सम्बोधन गर्नेछन् । तेस्रो दिन शुक्रबार प्रधानमन्त्री दाहाल मध्यप्रदेश जानेछन् र शनिबार दिल्ली फर्कने छन् । शनिबार नै उनी नेपाल आउने छन् ।
