हेटौंडा टुडे
हेटौंडा| हेटौंडा उपमहानगरपालिका वडा नम्वर १५ मयुरधापबाट प्रहरीले शनिबार बिहान लागूऔषधसहित एक जनालाई पक्राउ गरेको छ ।
पक्राउ पर्नेमा स्थानीय २८ वर्षीय रुपेश ढुंगाना रहेको जिल्ला प्रहरी कार्यालय मकवानपुरका प्रहरी नायव उपरीक्षक टेकबहादुर कार्कीले जानकारी दिए ।
उनका अनुसार, बा.प्र.०२–०२३ प १३७२ नम्बरको मोटरसाइकलमा सवारलाई रोकेर चेकजाँच गर्दा ढुंगानाले बोकेको झोलाबाट २३३ बोतल लागूऔषध ओनरेक्स फेला परेपछि निजलाई पक्राउ गरिएको हो ।
उक्त लागूऔषध र मोटरसाइकलसहित प्रहरीको नियन्त्रणमा रहेका उनीमाथि आवश्यक अनुसन्धानका साथै कानूनी प्रकृया अगाडि बढाइएको प्रहरी नायव उपरीक्षक कार्कीले बताए ।
सेयर गर्नुहोस्
