हेटौंडा टुडे
हेटौंडा । मनहरी गाउपलिका वडा नम्बर –३ नयाँबस्ती डिपाट गाउँमा गए राति दुई ट्रक एकआपसमा ठोक्किँदा तिन जनाको मृत्यु भएको छ भने दुवै ट्रक जलेर पूर्ण रुपमा नष्ट भएको छ ।
हेटौंडाबाट चितवन तर्फ जाँदै गरेको ना ६ ख ६६६७ नम्बरको ट्रक र विपरीत दिशा तर्फबाट आउँदै गरेको ना ६ ख ६३१ नम्बरको ट्रक एक आपसमा ठोक्किँदा दुर्घटना भएको हो । दुर्घटनापछि दुवै ट्रकमा आगलागी भएको छ भने ३ जनाको मत्यु भएको मकवानपुर प्रहरीले जानेको छ ।
मृत्यु हुनेमा ना ६ ख ६६६७ नम्बर ट्रक चालक चितवन जिल्ला राप्ती ८ बस्ने अन्दाजी २७ /२८ वर्षको रिहाना रुम्बा , सोहि ट्रकक सहचालक गोरखा गण्डकी गाउपलिका २ गोर्दीटार बस्ने वर्ष अन्दाजी २०/२१ को सुमन चेपाङ्ग र ना ६ ख ६३१ नम्बरको ट्रक का सहचालकल मकवानपुर मनहरी गाउपलिकाका ३ बस्ने वर्षा अन्दाजी १९ /२० को अमृता प्रजा रहेको र उनीहरुको सब जिल्ला अस्पताल हेटौडा ल्याएको जिल्ला प्रहरी कार्यालय मकवानपुरले जनाएको छ ।
प्रहरीका अनुसार घाइतेहरुको भनाइलाई आधार मान्दा दुइ वटा ट्रकमा सवार पाँच जना रहेको र तिन जनाको ट्रकमा च्यापिएर मृयु भएको दुई जना घाईते भएको प्रहरीले जनाएको छ ।
