हेटौंडा टुडे
हेटौंडा । मकवानपुर प्रहरीले सुन जस्तो देखिने पहेँलो धातु सहित एकजनालाई पक्राउ गरेको छ । बिहीबार हेटौंडा(१५ स्थित रातोमाटे चेकपोष्टमा विशेष सूचनाको आधारमा प्रहरी चौकी रातोमाटेबाट खटिएको प्रहरी टोलीले काठमाडौंबाट वीरगंजतर्फ जाँदै गरेको ना १ ज ७४९० नम्बरको यात्रुवाहक सुमोलाई रोकी चेकजाँच गर्ने क्रममा उक्त धातुसहित एकजनालाई पक्राउ गरेको हो ।
पक्राउ पर्नेमा पर्साको वीरगंज महानगर(१ बस्ने ३५ वर्षीय प्रभु साह सोनार रहेको जिल्ला प्रहरी कार्यालय मकवानपुरले जनाएको छ ।
सुन जस्तो देखिने पहेँलो धातु ४८९ ग्राम ३७ मिली ग्राम रहेको र त्यसको मूल्य ४७ लाख ३६ हजार ७५९ रहेको कार्यालयका प्रवक्ता डिएसपी टेकबहादुर कार्कीले जानकारी दिए ।
पक्राउ परेका सोनारलाई आवश्यक कारबाहीको लागि राजश्व अनुसन्धान कार्यालय पथलैया पठाइएको प्रहरीले जनाएको छ ।
सेयर गर्नुहोस्
