हेटौंडा टुडे
हेटौंडा | लागुऔषध गाँजा १००किलो ६०० ग्राम पिकअप गाडी सहित १ जना पक्राउ भएका छन् ।
हेटौंडा उपमहानगरपालिका वडा नं ४ कर्रा स्थित सडकमा विशेष सुचनाको आधारमा आइतबार बिहान २ बजेको समयमा बोलेरो पिकअप गाडी सहित १ जना पक्राउ भएका हुन्।
अस्थायी प्रहरी पोष्ट थानाभञ्ज्याङ मकवानपुरबाट प्र.स.नि. केदार वि.क.को कमाण्डमा खटिएको प्रहरी टोलीले सबारी साधनहरु रोकी चेकजांच गर्ने क्रममा हेटौडाबाट पथलैया तर्फ जादै गरेको बागमती प्रदेश ०३-००१ च १६८८ नं. को बोलेरो पिकअप गाडीलाई रोकी चालक जिल्ला गोरखा पालुङटार नगरपालिका वडा नं. ३ बस्ने बर्ष ३७ को दुर्गा दर्जीलाई शंका लागेर चेक गरेको र कानुनी रित पूर्वक खानतलासी पुर्जी दिई निजको शरीर तथा उक्त गाडीको खानतलासी गर्दा सो गाडीको पछाडीको भागमा खाली क्रेटहरुको मुनी बोरा भित्र लुकाई छिपाई गरी ल्याईएको अवस्थामा लागु औषध गांजा १०० किलो ६०० ग्राम फेला पारी उक्त लागुऔषध र पिकअफ गाडी सहित निज दुर्गा दर्जीलाई नियन्त्रणमा लिई थप अनुसन्धान भईरहेको छ।
