हेटौंडा टुडे
हेटौडा। राजस्व अनुसन्धान विभागले बुधबार साँझ त्रिभुवन अन्तर्राष्ट्रिय विमानस्थलबाट बरामद गरेको सुन ओसारपसारमा संलग्न ६ जनालाई पक्राउ गरिएको छ ।
पक्राउ पर्नेमा दिलिप भुजेल, रामकुमार भुजेल, भन्सार एजेन्ट राजेन्द्र राई, एक ट्याक्सी चालक र थप दुई जनालाई राति नै राजश्व अनुसन्धान विभागले पक्राउ परेको हो । विमानस्थल पास भई विमानस्थल भन्सार गेट अघिबाट ट्याक्सीमा हालेर लैजान लागेका बेला सुन बरामद भएको थियो ।
बरामद गरिएको सुन ८० देखि १०० किलो भएको अनुमान गरेपनि आज तौल गर्न लागेको विभागका महानिर्देशक नवराज ढुंगानाले जानकारी दिए । सुन हङ्कङबाट आएको जनाइएको छ ।
सेयर गर्नुहोस्
