हेटौंडा टुडे
हेटौंडा । पूर्वपश्चिम राजमार्ग अन्तर्गत मकवानपुर हेटौंडा उपमहानगरपालिका–१५ रातोमाटे चेक प्वाईन्टबाट अबैध मदिरा बरामद सहित तीन जना पक्राउ परेका छन् ।
पक्राउ पर्नेमा कार चालक देश भारत बिहार मौजफपुर रामनगर ग्राम बस्ने वर्ष अन्दाजी ३५ को चन्दन साह, देश भारत बिहार सितामढी बस्ने वर्ष अन्दाजी २४ को सुनिल कुमार र देश भारत बिहार सितामढी मेसोले ग्राम बस्ने वर्ष अन्दाजी ४० को रतन साह रहेका छन् ।
भैरहवा बुटवल हुँदै भारत सितामढीतर्फ जाँदै गरेको डिएल ८ सिएएफ ५८३७ नम्बरको तीन जना सवार इण्डियन कारलाई चेकजाँच गर्ने क्रममा उक्त कारबाट अबैध रुपमा भन्सार छली ल्याएको ३७८ बोतल मदिरा बरामद गरिएको बागमती प्रदेश प्रहरी कार्यालय हेटौंडाले जनाएको छ ।
मदिरा सहित तीनै जनालाई नियन्त्रणमा लिएर अनुसन्धान भइरहेको प्रहरीले जनाएको छ ।
सेयर गर्नुहोस्
