हेटौंडा टुडे
हेटौंडा| मकवानपुर प्रहरीले लागूऔषधसहित बिहीबार एक जनालाई पक्राउ गरेको छ । प्रहरीले हेटौंडा उपमहानगरपालिका वडा नम्वर १० स्थित टिसियन रोडबाट ५ किलो ३०० ग्राम लागूऔषध गाँजासहित एक जनालाई पक्राउ गरेको हो ।
पक्राउ पर्नेमा गोरखाको बारपाक सुलिकोट गाउँपालिका वडा नं. ४ बस्ने ३२ वर्षीय आशिष गुरुङ रहेको जिल्ला प्रहरी कार्यालय मकवानपुरका प्रहरी नायव उपरीक्षक टेकबहादुर कार्कीले जानकारी दिए ।
प्रहरी नायव उपरीक्षक कार्कीका अनुसार, बिहीबार बिहान ९ बजेको समयमा गुरुङलाई शंका चेकजाँच गर्दा उक्त परिमाणको गाँजा फेला परेपछि निजलाई पक्राउ गरिएको हो ।
बरामद गाँजासहित उनलाई नियन्त्रणमा लिई घटनाको बारेमा आवश्यक अनुसन्धानका साथै कानूनी प्रकृया अगाडि बढाइएको प्रहरी नायव उपरीक्षक कार्कीले बताए ।
सेयर गर्नुहोस्
