हेटौंडा टुडे
हेटौंडा ।मनहरी गाउँपालिका ९ ज्यामिरेमा रोकि राखेको ट्रकसँग मोटरसाइकल ठक्कार खाई दुघर्टना हुदा मोटरसाइकलमा सवार दुई जना गम्भीर घाइते भएका छन् । आइतबार राति सडकमै बिग्रिएर रोकि राखेको ना ५ ख ७४७२ नम्बरको ट्रकमा चितवनबाट हेटौंडा तर्फ आउँदै गरेको ना ५७ प २३१ नम्बरको मोटरसाइकल ठोक्किदा दुई जना गम्भीर घाइते भएको मकवानपुरका प्रहरी प्रवक्ता डिएसपी टेकबहादुर कार्कीले जानकारी दिएका छन् । घाइते हुनेमा मोटसाइकल चालक मनहरी ९ का २२ वर्षीय शम्भु गिरी र सवार २१ वर्षीय सुशिल गिरी रहेको प्रहरीले जनाएको छ । घाइते दुवैजनाको मनहरीमा उपचार सम्भव नभएपछि थप उपचारको लागि भरतपुर पठाइएको प्रहरीले जनाएको छ । ट्रकलाई इलाका प्रहरी कार्यालय मनहरीले नियन्त्रणमा लिएको तर चालक फरार रहेको र राजमार्ग अबरुद्ध भएको प्रहरीले जनाएको छ ।
सेयर गर्नुहोस्
