हेटौंडा टुडे
हेटौँडा । नेपाल आयल निगमले पेट्रोल, डिजेल, मट्टीतेलको भाउ बढाएको छ भने खाना पकाउने ग्यासको मूल्य घटाएको छ । निगमले मंगलबार मंगलबार राति १२ बजेबाट लागुहुनेगरी पेट्रोल लिटरमा ९ रुपैयाँ र डिजेल तथा मट्टीतेल लिटरमा ७ रूपैयाँ बढाएको हो । त्यसैगरी खाना पकाउने ग्यासमा प्रति सिलिन्डरमा १३० रूपैयाँ घटाएको छ । भारतीय आयल कर्पोरेसन आइओसी ले पठाएको मूल्यसूची अनुसार निगमले नयाँ भाउ तोकेको हो। निगमका अनुसार आइओसीले पेट्रोलमा प्रतिलिटर आठ रूपैयाँ १४ पैसा र डिजेलमा ६ रूपैयाँ ८६ पैसा बढाएर र ग्यासमा भने प्रतिसिलिन्डर ११७ रूपैयाँ ६२ पैसा घटाएर नयाँ मूल्य सूची पठाएको थियो ।
सेयर गर्नुहोस्
